«Շիրակ»-ում փորձաշրջան են անցնում 6 արտասահմանցի ֆուտբոլիստներ

«Շիրակ»-ը Գյումրու ֆուտբոլի ակադեմիայում շարունակում է նախապատրաստվել 2016/17 առաջնության գարնանային հատվածին։ 

Գյումրեցիների կազմ ուժեղացնելու համար մարզչական շտաբը, Վարդան Բիչախչյանի գլխավորությամբ, փորձաշրջանի է հրավիրել մի շարք օտարերկյա ֆուտբոլիստների։ 

Ինչպես հայտնում է ակումբի մամուլի ծառայությունը, այժմ «Շիրակ-ի» հետ մարզվում են՝ կոտդիվուարցիներ Մուսա Պոլ Բակայոկոն (21 տարեկան, հարձակվող) և Վի Մուհամեդ Սիլան (22տարեկան, կենտրոնական կիսապաշտպան), գամբիացիներ Յանկուբա Ջելոն (19 տարեկան, հարձակվող) և Մուսա Կամբին (19 տարեկան, կենտրոնական կիսապաշտպան), ինչպես նաև ամերիկացի Կիրիան Չինազորմ Նվաբուեզեն (25 տարեկան, հարձակվող) և կամերունցի Օմառո Կաինան (21 տարեկան, կիսապաշտպան)։ Վերջին երկուսը մրցաշրջանի առաջին հատվածում հանդես են եկել «Արարատ»-ում։