Երկու-երեք ընտանիք Ամանորը Թալիշում է տոնել. Թալիշի գյուղապետ

Երկու-երեք ընտանիք Ամանորը Թալիշում է տոնել. Yerkir.am-ի հետ զրույցում հայտնեց Թալիշի գյուղապետ Վիլեն Պետրոսյանը:

Նա նշեց նաև, որ դեկտեմբերի 31-ին ԼՂՀ նախագահ Բակո Սահակյանն էր այցելել Թալիշ, միջոցառում էր կազմակերպվել, որին մասնակցում էին Ալաշանում ապրող բոլոր թալիշցիները:

«Բացի այդ` մեր տղաները` 10-ից ավելի մարդ, հիմա էլ այնտեղ են, քանի որ Թալիշում  քանդման-վերականգնողական աշխատանքներն են սկսվել: Նախ` պետք է դպրոցն ու մանկապարտեզը վերականգնենք, իհարկե, նաև անհատական բնակարանային ֆոնդը ևս վերակառուցենք:  Կան ընտանիքներ, որոնց կացարաններն այն աստիճանի են վնասվել, որ վերականգնման ենթակա չեն, բայց կան նաև ընտանիքներ, որոնց կացարանների ապակիներն են կոտրվել, կամ ծածկն է վնասվել»,-ասաց Պետրոսյանը: