5 և 7 տարեկան երեխաներին խեղդամահ է արել, հետո` ինքնասպան եղել. մանրամասներ

Տեղեկացրել էինք, որ այսօր ողբերգական դեպք է տեղի ունեցել Լոռու մարզում: 45-ամյա Մարինե Հովհաննիսյանին հայտնաբերել են բնակելի շենքի շքամուտքում` կախված: Կնոջ տանը՝ մահճակալների վրա, հայտնաբերել են նրա երկու մանկահասակ երեխաների դիակները: Երկուսն էլ աղջիկներ են՝ մեկը` 5 տարեկան, մյուսը՝ 7:

Yerkir.am-ի տեղեկություններով` մայրը խեղդամահ է արել երեխաներին, հետո արդեն ինքնասպանություն գործել:

Yerkir.am-ին Սպիտակի քաղաքապետ Գագիկ Սահակյանը հայտնեց, որ  կինն իրենց համայնքի բնակիչ չէր` Այգեստան թաղամաս էր տեղափոխվել 1 տարի առաջ:

«Կինը մեր գյուղերից մեկի դպրոցում ուսուցչուհի էր աշխատում: Ամուսնալուծված էր, երկու աղջիկների հետ էր ապրում: Նա վարձով էր ապրում մեզ մոտ»,- ասաց քաղաքապետը: