Ես և Սեյրան Օհանյանը նույն ձևով ենք գնահատում իրավիճակը. Վիկտոր Դալլաքյան

«Երրորդ հանրապետություն» կուսակցության գրասենյակում տեղի ունեցավ Վիկտոր Դալլաքյանի մամուլի ասուլիսը:

Դալլաքյանը, անդրադառնալով իր և Սեյրան Օհանյանի հնարավոր համագործակցությանը, նշեց, որ ինքն ու Սեյրան Օհանյանը նույն ձևով են գնահատում Հայաստանի Հանրապետությունում ստեղծված իրավիճակը:

«Ես և Սեյրան Օհանյանը նույն ձևով ենք գնահատում Հայաստանի Հանրապետությունում ստեղծված իրավիճակը, ինչպես նաև այդ իրավիճակից դուրս գալու ելքերն ենք նույն ձևով գնահատում:  Կարող եմ ասել, որ առաջիկա օրերին Սեյրան Օհանյանը հանդես կգա համապատասխան հայտարարությամբ, որով  արդեն ինքը կհայտարարի իր մուտքը քաղաքականություն, և մենք համագործակցելու ենք Սեյրան Օհանյանի հետ»,- ասաց նա: