Մշակույթի նախարարն աշխատանքից կազատի նաև Գևորգ Գևորգյանին

Տարեկան 450 մլն դրամ է տրամադրվում կինոյի ոլորտին, բայց այնպիսի տպավորություն է, որ այդքան գումար ծախսվում է, որ լավ ֆիլմեր չունենանք. «Ազատություն» ռադիոկայանի ֆեյսբուքյան ասուլիսի ժամանակ ասաց ՀՀ մշակույթի նախարար Արմեն Ամիրյանը:

Նա նշեց նաև, որ ճիշտ է, ունեցել ենք լավ ֆիլմեր, բայց դա այն արդյունքը չէ, որը պետք է լիներ: «Այս պահի դրությամբ կինոարտադրության ՊՈԱԿ-ի կառուցվածքային փոփոխություն է նախատեսվում, և պետք է ունենանք ժամանակակից մոդել. տնօրենի փոփոխություն է լինելու, ինչպես նաև գեղարվեստական կազմի փոփոխություն, պետք է գործի տնօրենների խորհուրդ: 2017-ին կինոյի ոլորտում լուրջ առաջխաղացում եմ խոստանում»,- ասաց նախարարը: