Ուրախ եմ Մխիթարյանի խաղի համար. Մոուրինյո

Անգլիայի լիգայի Գավաթի խաղարկության քառորդ եզրափակիչում «Մանչեսթեր Յունայթեդ»-ը սեփական հարկի տակ 3:1 հաշվով հաղթել է  «Վեսթ Հեմ»-ի հետ: Այդ խաղում 2 գոլային փոխանցման հեղինակ է դարձել Հայաստանի հավաքականի ավագ Հենրիխ Մխիթարյանը:

Խաղից հետո տանտերերի գլխավոր մարզիչ Ժոզե Մոուրինյոն խոսել է Մխիթարյանի խաղի մասին: «Շատ ուրախ եմ  Մխիթարյանի խաղի համար, քանի որ այսօր մենք խաղում էինք Պրեմիեր լիգան ներկայացնող թիմի հետ: «Ֆեյենորդ»-ը այլ խաղաոճ ունեցող թիմ էր, իսկ այսօր Մխիթարյանը լավ խաղ ցուցադրեց անգլիական թիմի հետ, այդ պատճառով կարող ենք ասել, որ Մխիթարյանի մոտ առաջընթաց կա:  Մենք իսկապես երջանիկ ենք, քանի որ գիտենք, թե ինչի համար ենք ձեռք բերել Մխիթարյանին:  Արդեն նկատում ենք, որ նա հարմարվում է»,- ասել է մարզիչը: