Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
ԵԱՀԿ նախարարական խորհրդի նստաշրջանի ընթացքում, որը տեղի կունենա դեկտեմբերի 8-9-ը Համբուրգում, ի թիվս այլ հարցերի անդրադարձ կկատարվի նաև Լեռնային Ղարաբաղի հակամարտության կարգավորմանը վերաբերող հարցերին:
ՍՏԵՓԱՆԱԿԵՐՏ, 30 նոյեմբերի, ԱՐՑԱԽՊՐԵՍ: Այդ մասին իր ամենշաբաթյա բրիֆինգի ժամանակ հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան` ավելացնելով, որ ՌԴ ԱԳ նախարար Սերգեյ Լավրովը նախատեսում է մասնակցել նիստին:
«Նախարարական հանդիպման ընթացքում նախատեսվում է անդրադարձ կատարել ԵԱՀԿ պատասխանատվության գոտում գտնվող տարածաշրջանային հակամարտություններին: Մտադիր ենք վերահաստատել ԵԱՀԿ-ի ներդրման կարևորությունը Ուկրաինայի արևելքում ճգնաժամի կարգավորման գործում: Նախարարները կդիտարկեն նաև Մերձդնեստրի, Լեռնային Ղարաբաղի հակամարտությունների կարգավորման հարցերին, ինչպես նաև Անդրկովկասում անվտանգության հարցերով Ժնևյան քննարկումներին»,- ինչպես փոխանցում է ՌԴ ԱԳՆ պաշտոնական կայքը, ասել է Զախարովան: