Ադրբեջանին անհանգստացրել են Ռուսաստանի և Հայաստանի ջերմացող հարաբերությունները

Ադրբեջանի Միլի մեջլիսի պատգամավորները պահանջել են  վերանայել ՌԴ-ի հետ հարաբերությունները, որը վերջին շրջանում ամրապնդել է ռազմական դաշինքը ՀՀ-ի հետ. հայտնում է АПА-ն:

Այսպես` պատգամավոր Հուդրաթ Հասանգուլիևը հայտարարել է, որ  Հայաստանին «Իսկանդեր» հրթիռային համալիրների տրամադրումը, ՀՀ նախագահ Սերժ Սարգսյանի հրավերը Մոսկվա և այնտեղից Ադրբեջանի հասցեին հնչեցված սպառնալիքները Բաքվից պահանջում են լուրջ դիրքորոշում ընդունել:

Պատգամավորը մեղադրում է ՌԴ-ին այն բանի համար, որ Մոսկվան  կանգնած է «օկուպանտի» թիկունքին: «Եթե ՌԴ-ն իսկապես ցանկանում է ռազմավարական հարաբերություններ ունենալ Ադրբեջանի հետ, ապա պետք է ԼՂ հակամարտության հարցում օբյեկտիվ և չեզոք դիրքորոշում ունենա»,- ասել է նա:

Պատգամավոր Ֆազիլ Մուստաֆան, նշել է, որ թեև Ադրբեջանում ազատ հեռարձակվում է Мир հեռուստաալիքը, եթերում ոչ մի անգամ չի բարձրաձայնվել Ադրբեջանի տարածքները «օկուպացնելու» մասին:

Պատգամավոր Հանիրա Փաշաևան, իր հերթին, բողոքել է, որ ԼՂՀ են այցելում արվեստի հայտնի գործիչներ, գործարարներ, դիվանագետներ: