Ձևը սխալ էր. Վիգեն Խաչատրյանը՝ 1000 դրամներ գանձելու նախագծի մասին

Գերագույն խորհրդի պատգամավոր Վիգեն Խաչատրյանն այսօր լրագրողներին կարծիք հայտնեց, որ 1000 դրամներ գանձելու նախագիծը շրջանառության մեջ դնելու տարբերակն էր սխալ ընտրված:

«Երևույթը դրական է, բայց կազմակերպման և առաջարկման ձևը առաջացնում է հասարակության արհամարհանքը: Կարելի էր սկսել կամավորական շարժումից, նոր հետո` օրինականացնել»,- ասաց նա՝ հավելելով, որ նախագծի շուրջ ստեղծված քննադատությունը տեղին էր, և իր համար անհասկանալի էր, թե ինչու իշխանությունը շտապեց:

«Ձևի առումով սխալ թույլ տրվեց, խնդիրն, իրոք, հրատապ է, բայց ձևը սխալ ընտրեց, և իշխանությունը պետք է հիմնավորի սա: Եթե նախընտրական փուլի հետ է կապված, դա ընդհանրապես սխալ է»,- ասաց Խաչատրյանը, ապա կարծիք հայտնեց, որ սա քվե ստանալու ձախողված փորձ է:

«Եթե պարտադիր է, բերեք հարկ սահմանենք: Եթե հարկ է, ուրեմն պետք է հանրաքվե լինի: Լարվածությունը հանելու տարբերակներից մեկն է սա: Այդքան անվստահության խնդիրը չէ, որքան պարտադրանքը»,- նշեց նա: