30 տոկոսով աճել է Հայաստան ներկրվող մեքենաների թիվը

Տարեսկզբի համեմատ` 30 տոկոսով աճել է Հայաստան ներկրվող մեքենաների թիվը. այսօր լրագրողներին հայտնեց ՀՀ ԿԱ ՊԵԿ ավտոտրանսպորտային միջոցների մաքսային ձևակերպումների մասնագիտացված մաքսատան պետ Բաբկեն Ղազարյանը:

Միայն այս տարվա հոկտեմբեր ամսին, ըստ նրա, երրորդ երկրներից ներմուծվել է 1870 մեքենա՝ ապահովելով 1 մլրդ 470 միլիոն դրամի մուտք: Հունվարի 1-ի դրությամբ՝ ԵԱՏՄ երկրներից ներկրվել է 980 մեքենա:

Հիշեցնենք, որ, 2016թ. մարտի 31-ից սկսած, ԵԱՏՄ անդամ պետություններից ներմուծվող մարդատար ավտոմեքենաների մասով, «Ավելացված արժեքի մասին» ՀՀ օրենքում կատարված փոփոխությունների համաձայն, ԱԱՀ վճարելու պարտավորություն չի առաջանում:

ԵԱՏՄ-ից ներկրվող ավտոմեքենաների բոլոր ձևակերպումներն իրականացվում են մեկ վայրում՝ այդ նպատակով մաքսատան տարածքում առանձնացված հատուկ մասնագիտացված սպասարկման սրահում: