ԵՏՄ-ից ներկրվող մեքենաների համար ԱԱՀ չեն գանձի

Այսօր կառավարության նիստում ՀՀ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանը ներկայացրեց «ԱԱՀ-ի մասին» օրենքում փոփոխություն և լրացում կատարելու մասին» որոշումը, որը կառավարության կողմից անհետաձգելի է ճանաչվել:

«Խոսքը վերաբերում է, օրենքով սահմանված կարգով, անհատ ձեռնարկատեր չհանդիսացողների կողմից թեթև մարդատար ավտոմեքենաների ներմուծմանը ԵՏՄ անդամ երկրներից»,- ասաց Վաչե Գաբրիելյանը՝ հավելելով, որ պետք է կարգավորվեն որոշ իրավահարաբերություններ:

Էկոնոմիկայի նորանշանակ նախարար Արծվիկ Մինասյանը խնդրեց ավելի հստակ ներկայացնել, այսինքն` ԱԱՀ չե՞ն վճարելու:

Վաչե Գաբրիելյանը հաստատեց` այո, չեն վճարելու ԱԱՀ:

Վարչապետը հավելեց, որ տարին մեկ անգամ իր անձնական օգտագործման համար մեքենա ներկրողը կարող է ազատվել ԱԱՀ վճարումից: