ՀՀ մշտական բնակչության թիվը նվազել է 10 100-ով

2016-ի հոկտեմբերի 1-ի դրությամբ` ՀՀ մշտական բնակչության թիվը կազմել է 2 993 900 մարդ. ցուցանիշը, նախորդ տարվա նույն ժամանակահատվածի համեմատ, նվազել է 10 100-ով: Այս մասին լրագրողներին հայտնեց Հայաստանի Ազգային վիճակագրական ծառայության մարդահամարի և ժողովրդագրության բաժնի պետ Կարինե Կույումջյանը:

Նա տեղեկացրեց նաև, որ այս տարվա 10 ամիսների ընթացքում սահմանային գրանցումների թիվը կազմել է 4 238 400, որից մուտքերի թիվը եղել է 2 075 877, իսկ ելքերինը` 2 162 523, այսինքն` ելքերը գերազանցել են մուտքերը:

«Քաղաքային և գյուղական մշտական բնակչության թիվը նույնպես փոխվել է, ընդ որում` քաղաքային բնակչության թիվը նվազել է 6300-ով, իսկ գյուղականինը` 3800-ով: Ինչ վերաբերում է բնակչության հավելաճին, ապա այն կազմել է 9400 մարդ»,- ասաց Կույումջյանը: