Հույս ունեմ` Արմեն Ամիրյանի հետ կդնենք Համազգային թատրոնի կառուցման խնդրի վերջակետը

Սոս Սարգսյանի անվան համազգային թատրոնի շենքի կառուցման հարցը տարեցտարի ձգձգվում է, բայց թատրոնի տնօրեն Վարդան Մկրտչյանը հույս ունի, որ շուտով հարցը կլուծվի:

Yerkir.am-ի հետ զրույցում Մկրտչյանը նշեց, որ մշակույթի նախկին նախարար Հասմիկ Պողոսյանի հետ խնդիրը քննարկել էին և որոշել նոյեմբեր ամսին կառավարությունում քննարկման դնել թատրոնի կառուցման հարցը, սակայն կառավարությունը փոխվեց, և հարցի քննարկումը մնաց:

«Կարծում եմ, որ Արմեն Ամիրյանի հետ այդ հարցը կսկսենք և կտանենք դեպի լուծում: Մենք դեռ չենք հանդիպել նրա հետ, դետալային քննարկում չի եղել, բայց շարունակում ենք տարբեր ֆրոնտներում հարցը քննարկել: Կարծում եմ` Արմեն Ամիրյանի կողմից կլինի հետաքրքրվածություն, քանի որ նա մեզ մոտ եղել է տարբեր առիթներով, ներկայացումներ է նայել, և կարծում եմ` քաջատեղյակ է հարցին»,- ասաց Մկրտչյանը:

Նա հույս հայտնեց նաև, որ Ամիրյանի հետ կդնեն Համազգային թատրոնի կառուցման խնդրի վերջակետը: