19-ամյա զինծառայողի սպանության գործով ձերբակալված կա

Yerkir.am-ի տեղեկություններով՝ հոկտեմբերի 15-ի առավոտյան ՊԲ N զորամասի 19-ամյա զինծառայող, շարքային Վահագն Գագիկի Վիրաբյանի սպանության գործով ձերբակալված կա: Մեր տեղեկություններով՝ ձերբակալվածը զինծառայողի ծառայակիցն է:

Ավելի վաղ հայտնել ենք, որ հոկտեմբերի 25-ին` ժամը 08:40-ի սահմաններում, N զորամասի պահպանության տեղամասի մարտական դիրքում հերթապահության նշանակված ժամկետային զինծառայող, շարքային Վահագն Գագիկի Վիրաբյանի ուղղությամբ արձակվել են կրակոցներ՝ նրան պատճառելով մահացու հրազենային վիրավորումներ:

Դեպքի առթիվ երկրորդ կայազորային քննչական բաժնում հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասով (սպանություն), կատարվում է նախաքննություն: Կատարվել են դեպքի վայրի, դիակի արտաքին զննություններ, վերցվել փորձանմուշներ, քրեական գործով էական նշանակություն ունեցող հանգամանքները պարզելու համար նշանակվել փորձաքննություններ:

Ձեռնարկված անհետաձգելի քննչական գործողությունների արդյունքում պարզվել են մի շարք հանգամանքներ, այդ թվում` հայտնաբերվել է հրազենը, որով զինծառայողի ուղղությամբ արձակվել են կրակոցները, պարզվել է, թե ում է եղել այն ամրակցված։