Ռուս զինծառայողի սպանության գործով ձերբակալված նրա ծառայակիցն ընդունել է մեղքը

Գյումրիում տեղակայված ռուսական ռազմաբազայի զինծառայող Իվան Նովիկովի սպանության կասկածանքով այսօր ձերբակալվել է նրա ծառայակիցը: Yerkir.am-ի տեղեկություններով ՝ զինծառայողին ձերբակալել է ռուսական կողմը:

Հիշեցնենք, որ փաստի առթիվ ՀՀ քննչական կոմիտեում հարուցվել է քրեական գործ՝ ՀՀ քրեական օրենսգրքի 104-րդ հոդվածի հատկանիշներով (սպանություն):

Մեր տեղեկություններով՝ ՀՀ գլխավոր դատախազությունը ներկայումս քննարկում է մեզ մոտ հարուցված քրեական գործը ՌԴ-ին փոխանցելու հարցը:

Ըստ նախնական տեղեկությունների՝ սպանությունը կատարվել է կենցաղային հողի վրա:

Ի դեպ, Интерфакс-ը գրում է, որ ձերբակալվածն այդ պահին խոստովանական ցուցմունք է տալիս: