Որոշ նախարարություններ չեղարկել են հեռավար աշխատանքը, որպեսզի կանխեն աշխատակիցների մասնակցությունը ցույցերին

ՀՀ որոշ նախարարությունների աշխատակիցներ վերջին շրջանում Հայաստանում դարձյալ ուժգնացած կորոնավիրուսի պատճառով հոկտեմբերի վերջից դարձյալ սկսել էին աշխատել հեռավար՝  «տնային ռեժիմով»։

Yerkir.am–ի տեղեկություններով՝ երեկ՝ նոյեմբերի 11-ին, Ազատության հրապարակից սկիզբ առած լայնամասշտաբ ցույցերի ֆոնին, մի շարք նախարարություններ որոշել են աշխատանքի կանչել իր աշխատակիցներին, որպեսզի կանխեն նրանց՝ ցույցին մասնակցելը։

Նախարարների հրամանով՝  նոյեմբերի 12-ից նախարարության աշխատակիցները, բացառությամբ խոցելի խմբերի, դարձյալ անցնելու են աշխատանքային 8-ժամյա ռեժիմի։

Հիշեցնենք, որ ՀՀ–ում գործող 17 կուսակցություններ պայքար են սկսել Նիկոլ Փաշինյանի հրաժարականի և ձեռք բերված խայտառակ պայմանավորվածությունները չեղարկելու համար, ըստ որոնց՝ թշնամուն են հանձնվում 1990-ականներին ազատագրված 7 շրջանները, ինչպես նաև ԼՂ մի շարք շրջաններ՝ Շուշի և Հադրութ քաղաքներով։