Արտաշես Գեղամյանը համամիտ է Հովիկ Աբրահամյանի ելույթի գնահատականների հետ

Մեկնարկել է ՀՀԿ ԳՄ նիստը, որին կհաջորդի ՀՀԿ Խորհրդի նիստը.  քննարկելու են վարչապետ Հովիկ Աբրահամյանի հրաժարականը, կառավարությունում կադրային փոփոխությունները և նոր վարչապետի թեկնածության հարցը: ՀՀԿ ԳՄ և խորհրդի անդամների առաջին արձագանքները  վարչապետի հրաժարականին յուրատեսակ են. ոմանք հրաժարվում են պատասխանել որևէ հարցի, ոմանք` խուսափում մեկնաբանելուց: 

ԱԺ ՀՀԿ խմբակցության պատգամավոր Արտաշես Գեղամյանը, պատասխանելով հարցին, թե ինչպե՞ս է գնահատում Հովիկ Աբրահամյանի կառավարումը` բավարա՞ր, անբավարա՞ր, թե՞ լավ, ասաց. «Դրական եմ գնահատում»:

Հարցին, թե ի՞նչ դրական արդյունքներ կարող է մատնանշել Աբրահամյանի կառավարման ժամանակաշրջանում, պատասխանեց. «Ինքն իր ելույթում մանրամասն նշել է այդ ձեռքբերումների մասին, ես այդ գնահատականների հետ համամիտ եմ»: