Իրավական առումով` հարցերի քննությունը պետք է տարանջատել նախագահի խոսքից. փոխնախարար

Կառավարության նիստից հետո լրագրողները արդարադատության փոխնախարար Արսեն Մկրտչյանին հարց ուղղեցին նախագահի ելույթի այն հատվածի մասին, որում նա ներողություն է խնդրում լրագրողներից` խնդրելով մոռանալ Սարի թաղում քաղաքացիական հագուստով անձանց բռնություններն իրենց հանդեպ:

Արսեն Մկրտչյանը պատասխանեց, որ դա նախագահի ուղերձն էր` ուղղված հասարակության կոնկրետ խմբի` լրագրողներին, և այդ ուղերձը, օրենքի տեսանկյունից, գնահատման ենթակա չէ:

«Իրավական առումով` հարցերի քննությունը պետք է տարանջատել նախագահի խոսքից և ուղերձից: Բնականաբար, իրավապահ մարմինները կրում են որոշակի պարտականություններ և կտան որոշակի իրավական գնահատականներ: Իսկ նախագահի խոսքը ուղերձ էր հասարակության որոշակի խավին»,- ասաց փոխնախարարը` հավելելով, որ չի կարող մեկնաբանել նախագահի խոսքը, և որ նախագահի խոսքում որևէ իրավական խախտում չի եղել: