«Ալաշկերտ» ֆուտբոլային ակումբը կազմակերպում է երկրպագուների անվճար ուղևորություն Թբիլիսի

Հուլիսի 12-ին Հայաստանի չեմպիոն «Ալաշկերտ»-ը Թբիլիսիում կանցկացնի ՈՒԵՖԱ-ի Չեմպիոնների Լիգայի Որակավորման 2-րդ փուլի առաջին հանդիպումը տեղի «Դինամո»-ի հետ:

«Ալաշկերտ» ֆուտբոլային ակումբի ղեկավարությունն ուղևորություն է կազմակերպում դեպի Թբիլիսի այն ֆուտբոլասերների հանար, ովքեր ցանկություն ունեն դիտել այդ խաղն ու աջակցել Հայաստանի չեմպիոնին:

«Դինամո»(Թբիլիսի) – «Ալաշկերտ» (Երևան) հանդիպման սկիզբը՝ ժամը 21:00-ին:

Երևան-Թբիլիսի-Երևան ուղևորությունն անվճար է: «Ալաշկերտ» ՖԱ ղեկավարությունը ֆուտբոլասերներին կտրամադրի նաև խաղի տոմսեր: Ցանկացողները գրանցվելու համար մինչև հուլիսի 11-ը անձնագրերով դիմեն «Բագրատուր» գրասենյակ՝ Սարյան 25:
Ավտոբուսները Երևանից կմեկնեն հուլիսի 12-ին` ժամը 10:00-ին, Գլխավոր փոստի դիմացից (Սարյան փողոց):

Լուսանկարը` initiaty blog-ի