Ակտիվիստը խաղալիք զենքով «գրոհեց» Կենտրոնի դատարանի շենքի վրա

Քիչ առաջ ակտիվիստ Միքայել Նազարյանը խաղալիք զենքով «գրոհեց» Կենտրոն և Նորք-Մարաշ վարչական շրջանների ընդհանուր իրավասության դատարանի շենքի վրա, սակայն դատական կարգադրիչների «բացատրական աշխատանքների» շնորհիվ «հանցագործությունն» ավարտին չհասցվեց: Կարգադրիչները քաղաքացուն բացատրեցին, որ դա արգելված իր է: Ի պատասխան, ակտիվիստը նշեց, որ դա 80-ականների արտադրության զենք է, բայց` խաղալիք:

Նազարյանը նման ակցիայով ուշադրություն հրավիրեց ստվարաթղթե տանկով ԱԱԾ շենքի պատին հարվածելու համար ամբաստանյալի աթոռին հայտնված Արտակ Գևորգյանի վերաբերյալ` հիշյալ դատարանում քննվող գործին:

«80-ականների արտադրության ռուսական РГД 5 է, պատրաստված է Շանթ Հարությունյանի ակցիայի ժամանակ օգտագործված մահակներից, ավելի շուտ` լապատկի պոչից: Այս ակցիան անում եմ, որ մարդիկ հասկանան, որ խաղալիքի համար մարդկանց չեն դատում»,- ասաց նա:

Մանրամասները` Yerkir.am-ի տեսանյութում