Թուրքիայում երիտասարդ աղջիկները հակաէրդողանական ցույց են անցկացրել

Թուրքիայի Իզմիր քաղաքում մի խումբ երիտասարդ աղջիկներ բողոքի լուռ ցույց են անցկացրել ընդդեմ նախագահ Ռեջեփ Թայիփ Էրդողանի՝ մայրանալու վերաբերյալ տարօրինակ հայտարարությունների:

Ըստ Siyasihaber3-ի՝ ցուցարարները պաստառներ են պարզել, որոնց վրա գրված են եղել Թուրքիայում հայտնի գործիչների,՝ այդ թվում` Էրդողանի՝ կանանց վերաբերյալ սկանդալային հայտարարությունները:

«Երբ աղջիկները համալսարան են գնում, տղաները, բնականաբար, ամուսնանալու աղջիկ չեն գտնում», «Ես չեմ հավատում կանանց և տղամարդկանց հավասարությանը» և նմանատիպ գրություններով պաստառներ պարզած երիտասարդ աղջիկները դատապարտել են Էրդողանի հայտարարությունները:

Հիշեցնենք, որ Թուրքիայի նախագահն օրեր առաջ հայտարարել էր, որ այն կինը, ով հրաժարվում է մայրանալուց, «ոչ լիարժեք է»: