Պրոֆեսիոնալ բռնցքամարտիկները նույնպես կմասնակցեն Ռիոյի օլիմպիական խաղերին

Բռնցքամարտի միջազգային ֆեդերացիան՝ ԱԻԲԱ-ն, թույլատրել է պրոֆեսիոնալ բռնցքամարտիկներին մասնակցել Ռիոյի ամառային օլիմպիական խաղերին:

ԱԻԲԱ-ն նման որոշում է ընդունել հերթական համաժողովի ժամանակ, որտեղ 84 պատվիրակ կողմ է եղել նման փոփոխությանը. հայտնում է ՀԱՕԿ պաշտոնական կայքը: 

Բռնցքամարտի մրցումները կանցկացվեն չորս շրջաններից Բարայում: Բռնցքամարտի դահլիճը տեղավորում է 9000 հանդիսական: Օլիմպիական խաղերի բռնցքամարտի մրցաշարը կմեկնարկի օգոստոսի 6-ին և կեզրափակվի 21-ին:

Հայաստանը 31-րդ ամառային օլիմպիական խաղերում կներկայացնեն բռնցքամարտիկներ Արթուր Հովհաննիսյանը (49 կգ), Նարեկ Աբգարյանը (52 կգ), Արամ Ավագյանը (56 կգ) և Վլադիմիր Մարգարյանը (69 կգ):