Այս պահին Երևանում sett-weather
Փոխարժեքներ 31 01 2025
USD ⚊ $ 397.92
EUR ⚊ € 413.72
RUB ⚊ ₽ 4.0695
GBP ⚊ £ 494.5
GEL ⚊ ₾ 138.41
կարևոր
0 դիտում, 8 տարի առաջ - 2016-05-31 15:41
Աշխարհ

Ռուսաստանը երբեք չի ասել, որ Թուրքիային «խաղաղության ձիթենյաց ճյուղ» կմեկնի. Լավրով

Ռուսաստանը երբեք չի ասել, որ Թուրքիային «խաղաղության ձիթենյաց ճյուղ» կմեկնի. Լավրով
Ռուսաստանի դիրքորոշումը Թուրքիայի հարցում մնում է նույնը` Անկարան պարտավոր է ներողություն խնդրել խոցված ռուսական ինքնաթիռի համար և փոխհատուցել վնասը. Комсомольская правда-ի կայքին տված հարցազրույցում ասել է ՌԴ ԱԳ նախարար Սերգեյ Լավրովը:
 
Ըստ նրա` որոշ լրատվամիջոցների ներկայացրածը, թե ռուսները Թուրքիային «խաղաղության ձիթենյաց ճյուղ» են մեկնում, արմատապես ճիշտ չէ: «Այդ սխալի հիման վրա սկսում են մտահանգումներ անել, թե ինչպես գնահատեն այդ գործողությունները»,- ասել է նախարարը:
 
«Մենք երբեք չենք ասել, որ ինչ-որ ձիթենու կամ այլ ճյուղ կմեկնենք Թուրքիային, որպես ի՞նչ: Մենք ասել ենք, որ Թուրքիան պարտավոր է ներողություն խնդրել և փոխհատուցել այն վնասները, որ հասցվել են այդ հանցավոր գործողության արդյունքում, այդ ռազմական հանցագործության արդյունքում»,- ասել է ՌԴ արտգործնախարարը:

Լավրովը հիշեցրել է, որ ՌԴ նախագահ Վլադիմիր Պուտինը, պատասխանելով հարցին, թե Անկարան ինչ-որ քայլեր ձեռնարկո՞ւմ է հարաբերությունների կարգավորման համար, ասել է, որ Անկարան «տարբեր խողովակներով մտնում է»: «Նա ասել է, որ մենք պատրաստ ենք դրանք քննարկել, սակայն Թուրքիան նախ պետք է անի այն, ինչ պետք է անի»,- նշել է նախարարը:

Լավրովը նաև ընդգծել է, որ Թուրքիան պոմիդորներով չի պրծնի: «Նրանք շատ են տանջվում և այդ պատճառով փորձում են տարբեր փակ ուղիներով սողալ դեպի մեզ և ինչ-որ հանձնաժողովներ ստեղծելու առաջարկներ անել»,- ասել է նա`տեղեկացնելով, որ դեռևս դեկտեմբերին Թուրքիայի արտգործնախարար, ԵԱՀԿ-ում հանդիպելով, առաջարկել է իրեն հանպատրաստից ստեղծել դիվանագետներից, հետախույզներից և ռազմական գործիչներից կազմված հանձնաժողով կամ  խումբ: «Բայց մեր դիրոքորոշումը նույնն է, ինչ կար»,- ասել է նա:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը