Քաղցրաշենի ծրագրի իրականացումը կդադարեցվի. վարչապետի խոստումը՝ գառնեցիներին

Արդեն հայտնել ենք, որ այսօր ևս գառնեցիները փակել են Երևան-Գառնի ավտոճանապարհը` պահանջելով դուրս բերել շինարարական տեխնիկան Ազատի կիրճից և չեղարկել Քաղցրաշենի ծրագիրը: Այս պահին Գառնիում են նաև ՀՀ վարչապետ Հովիկ Աբրահամյանը , Տարածքային կառավարման և զարգացման նախարար Դավիթ Լոքյանը, Գյուղատնտեսության նախարար Սերգո Կարապետյանը և Կոտայքի մարզպետ Կարապետ Գուլոյանը: Քիչ առաջ վարչապետը հայտարարեց, որ Քաղցրաշենի ծրագրի իրականացումը կդադարեցվի, տեխնիկան կհանվի Ազատի կիճից, իսկ Գեղարդալճի ծրագիրը դեռ պետք է քննարկել: Նշենք, որ մինչեւ այդ վարչապետը նշել էր, որ ծրագիրը ստորագրվել է 2013 թվականին եւ իր անվան հետ կապելը հեքիաթ է: