Հայ կին ոստիկանը դատի է տվել Գլենդելի ոստիկանությանը

Գլենդելի ոստիկանության հրամանատարներից Լումիլա Աբրահամյանը Լոս Անջելեսի գերագույն ատյան դատական հայց է ներկայացրել ընդդեմ ոստիկանությանը` իր նկատմամբ խտրականություն դրսևորելու մեղադրանքով. տեղեկացնում է Asbarez-ը` վկայակոչելով  MyNewsLA.com կայքը:

Աբրահամյանը պնդել է, որ ոստիկանությունն իր` հայ և կին լինելու պատճառով չի բարձրացրել իր պաշտոնը` շնորհելով նրան կապիտանի կոչումը, թեև նա բոլոր թեկնածուներից լավագույն հատկանիշներն է ունեցել:

Կնոջ խոսքով` ոստիկանությունն իր դեմ է լարվել, որովհետև մինչ այդ նա ոստիկանության աշխատանքային օրենքներում խախտումներ է բացահայտել:

Գլենդել քաղաքի դատախազ Մայքլ Գարսիան հրաժարվել է մեկնաբանել կատարվածը` նշելով, որ դատարանը դեռևս չի փոխանցել դատական փաստաթղթերը: