Ֆիլմը, կարծես, բոլորը հավանել էին. «Երկրաշարժ»-ը` Կաննի կինոփառատոնում

Տեղեկացրել էինք, որ Youtube-ում արդեն հասանելի է «Землетрясение» («Երկրաշարժ») ֆիլմի թիզերը: Ֆիլմի ռեժիսորը Սարիկ Անդրեասյանն է, պրոդյուսերը` Ռուբեն Դիշդիշյանը: Ֆիլմում կերպարները մարմնավորել են Կոնստանտին Լավրոնենկոն, Մարիա Միրոնովան, Արտեմ Բիստրովը, Սաբինա Ահմեդովան, Էմիլ Կիրակոսյանը, Վիկտոր Ստեփանյանը, Սոս ջանիբեկյանը, Հրանտ Թոխատյանը, Միքայել Պողոսյանը, Տաթև Հովակիմյանը:

Դիշդիշյանը ֆեյսբուքյան իր էջում գրում է, որ Կաննի կինոփառատոնի շրջանակներում տեղի է ունեցել ֆիլմի փակ դիտումը: «Ֆիլմը ցուցադրվել է ամերիկացի և չինացի դիստրիբյուտորների համար: Դահլիճում մոտ 20 մարդ է եղել: Ֆիլմը, կարծես, բոլորը հավանել էին»,- գրել է նա:

Հիշեցնենք, որ ֆիլմի ռուսական պրեմիերան տեղի կունենա այս տարվա դեկտեմբերի 1-ին: