Ակնհայտ է` նորընտիր վարչապետը Էրդողանի խամաճիկն է լինելու. Քըլըչդարօղլու

Գերմանական Bild թերթին տված հարցազրույցում Թուրքիայում ընդդիմադիր Ժողովրդա-հանրապետական կուսակցության ղեկավար Քեմալ Քըլըչդարօղլուն պատասխանել է հարցին, թե «արդյո՞ք Անգելա Մերկելը սխալվել է` փախստականների հարցով վստահելով Էրդողանի կառավարությանը»:

Ի պատասխան` ընդդիմադիր ղեկավարը նշել է` «ոչ, նա վարվել է դեմոկրատական սկզբունքներին համապատասխան  և դիմել Սահմանադրությամբ ընտրված վարչապետ Դավութօղլուին»:

Ինչ վերաբերում է Էրդողանին վստահելու հարցին` Քըլըչդարօղլուն ասել է. «Ոչ: Նույն հարցը տամ ձեզ` դեմոկրատիան ոտնահարած, սեփական երկրի Սահմանադրությունը չճանաչող, մամուլի ազատությանը խոչընդոտող մեկին ինչպե՞ս կարելի է վստահել: Ավելին`ակնհայտ է, որ նորընտիր վարչապետը Էրդողանի խամաճիկն է լինելու»: