ԵԱՀԿ Մինսկի խմբի համանախագահների հանդիպում է նախատեսվում. Մարիա Զախարովա

ԼՂ հակամարտության հարցով զբաղվող ԵԱՀԿ Մինսկի խմբի համանախագահների հանդիպում է նախատեսվում, կոնկրետ ժամկետների մասին խոսելը դեռ վաղ է. հայտարարել է ՌԴ ԱԳՆ մամուլի խոսնակ Մարիա Զախարովան:

«Ինձ հայտնի է, որ նման հանդիպման հնարավորությունը քննարկվում է: Անցկացման կոնկրետ օրվա, տեղի մասին որոշում չի կայացվել: Հիմա կողմերը հենց շփումների մեջ են այն նպատակով, որ հասկանան` ինչպիսի՞ն կարող է լինել այդ հանդիպումը, և ամենակարևորը` ինչպիսի՞ն կարող է լինել դրա կոնկրետ արդյունքը: Այդ պատճառով ժամկետների մասին խոսելը վաղ է: Սակայն կրկնեմ, որ քննարկումը բավական ակտիվ է, խոսքը հավանորեն մոտակա շաբաթների մասին է: Ձևաչափի մասին խոսելն էլ վաղ է»,- ըստ РИА Новости-ի` ասել է նա: