ՊՐՈ արտոնագրի դասընթացի մասնակից մարզիչները մեկնել են Դորտմունդ

Այսօր առավոտյան ՀՖՖ մարզչական ՊՐՈ արտոնագրի դասընթացի մասնակից 13 մարզիչները՝ Վարուժան Սուքիասյանը (Հայաստանի ազգային հավաքական, «Արարատ»), Կարեն Բարսեղյանը (Հայաստանի` մինչև 21 տարեկանների հավաքական, «Արարատ»), Արամ Ոսկանյանը (Հայաստանի` մինչև 19 տարեկանների հավաքական, «Բանանց»), Արթուր Ոսկանյանը (Հայաստանի` մինչև 17 տարեկանների հավաքական, «Բանանց»), Լիանա Հայրապետյանը (Հայաստանի` մինչև 19 տարեկան աղջիկների հավաքական), Արթուր Պետրոսյանը («Ցյուրիխ»), Վահե Յաղմուրյանը («Արարատ»),  Սարգիս Հովսեփյանը («Փյունիկ»), Արտակ Օսեյանը («Փյունիկ»), Անդրանիկ Զանազանյանը («Բանանց»), Ֆելիքս Խոջոյանը («Շիրակ»), Տիգրան Եսայանը և Ժոլտ Հոռնյակը, ինչպես նաև դասընթացի ղեկավար, ՀՖՖ Տեխնիկական տնօրեն Մարկ Լելևրը, ՀՖՖ Մարզչական կրթության համակարգող Ղազար Հակոբջանյանը և ՀՖՖ Հավաքական թիմերի բաժնի պետ Մարինա Թաշչյանը մեկնել են Դորտմունդ:

ՀՖՖ մարզչական ՊՐՈ արտոնագրի դասընթացի հերթական փուլի ընթացքում մասնակիցները մարտի 7-ից 14-ը կծանոթանան Դորտմունդի «Բորուսիայի» ենթակառուցվածքներին, կհետևեն առաջին թիմի մարզումներին,  հանդիպումներ կունենան ակումբի տեխնիկական տնօրենի, գլխավոր մարզչի, ֆուտբոլի ակադեմիայի ղեկավարության հետ, կծանոթանան թիմի մանկապատանեկան ֆուտբոլի զարգացման ծրագրերին, ինչպես նաև կդիտեն և կվերլուծեն Եվրոպա լիգայի 1/8 եզրափակիչի «Բորուսիա»-«Տոտենհեմ» և Գերմանիայի Բունդեսլիգայի «Բորուսիա»-«Մայնց» հանդիպումները:

ՀՖՖ պաշտոնական կայք