Հասել ենք նրան, որ պետք է էթիկայի և հիմարության միջև սահմաններ դնենք

Հասել ենք նրան, որ պետք է էթիկայի և հիմարության միջև սահմաններ դնենք, ոչ թե` էթիկայի և իրավունքի. այսօր լրագրողներին ասաց երգիչ, երգահան Վահան Արծրունին` անդրադառնալով ԱԺ էթիկայի հանձնաժողովում վերջին շրջանում քննվող դեպքերին:

Ըստ նրա` վերջին շրջանում ազգային խայտառակության տեսակների հետ գործ ունենք:

«Էթիկայի հանձնաժողովը սկսել է ուղղակի խորհուրդներ տալ` ով ուր դիմի: Էթիկան գալիս է ընտանիքից, դաստիարակությունից, կրթությունից, խավային պատկանելությունից, ով որքան գիրք է կարդացել կամ չի կարդացել, և հանրային կեցվածքից: Նույնիսկ գողական աշխարհում կա էթիկա, և մարդիկ ինչ-ինչ նորմերով են ապրում: Իսկ ԱԺ-ում կառավարական էթիկա է ձևավորվում, և խնդիրներն այլ հարթակում են լուծվում»,- ասաց Արծրունին:

Նրա կարծիքով` իրավունքը նկարագրում է` ինչ չի կարելի անել, իսկ էթիկան` ինչ ես ինձ թույլ չեմ տա անել, ուստի պետք է մի փոքր մտածել ինչ և ինչպես ասելու վրա: