Մոսկվան կոչ է անում Բաքվին` ըմբռնումով մոտենալ Հայաստանին զենք վաճառելուն. ՌԴ ԱԳՆ

Մոսկվան չի թաքցնում Երևանի հետ ռազմատեխնիկական համագործակցության փաստը և կոչ է անում Բաքվին` ըմբռնումով մոտենալ դրան։ Այդ մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան. հայտնում է ТАСС-ը։

«Մենք արդեն դիվանագիտական խողովակներով տեղեկացրել ենք ադրբեջանական կողմին, որ Ռուսաստանը կապված է Հայաստանի հետ դաշնակցային հարաբերություններով, զարգացնում է այդ թվում նաև ռազմատեխնիկական համագործակցություն»,- ասել է նա:

Զախարովայի խոսքով՝ Մոսկվան զենքի մատակարարման ժամանակ հաշվի է առնում տարածաշրջանում առկա բոլոր վտանգները:

«Զենքի բոլոր մատակարարումները` ինչպես Հայաստանին, այնպես էլ բարեկամական Ադրբեջանին, իրականացվում են` տարածաշրջանում ուժերի հավասարակշռության պահպանման անհրաժեշտությունը հաշվի առնելով»,- նշել է նա: