Որտեղ` գուբերնատորները, որտեղ` պաժառնիկները…

ՀՅԴ-ն առաջին օրվանից այս պետության կողքին է, ի՞նչ վատ է, թող վերցնեն պատասխանատվություն. այսօր խորհրդարանում լրագրողներին ասաց ՀՀԿ խմբակցության պատգամավոր, գեներալ Սեյրան Սարոյանը` խոսելով ՀՀԿ-ՀՅԴ համագործակցության մասին:

Հարցին՝ ՀՅԴ-ին ինչ-որ մի բան կհաջողվի՞ փոխել, պատգամավորը պատասխանեց, որ ժամանակը ցույց կտա. «Ինչքան միասնական լինենք, էնքան լավ է»:

Գեներալը չհամաձայնեց, թե համագործակցությունը պաշտոնների համար է: «Ա, ի՜նչ պաշտոն»,- արձագանքեց նա:

Սարոյանն անդրադարձավ նաև ՏԿԱԻՆ-ը բաժանելու որոշմանը: Դիտարկմանը, թե ժամանակին, երբ միավորեցին նախարարությունները, ասացին՝ բյուջեն խնայելու համար են անում, պատասխանեց. «Դե, երևի չարդարացրեց իրեն: Երևի փորձեցին ինչ-որ օգուտ տան բյուջեին, օգուտ չտվեց: Որտեղ` գուբերնատորները, որտեղ` պաժառնիկները…»: Հետո հավելեց. «Ա\'յ մարդ, որ մարդ ու կնիկ պսակվում են, լավ չի ստացվում, բաժանվում են»: