Մենք ստացանք այն, ինչին արժանի ենք. haqqin.az-ը մեղադրել է Մամեդյարովին ԵԽԽՎ-ում տապալման համար

Ադրբեջանական haqqin.az-ը խիստ քննադատության է ենթարկել ԵԽԽՎ-ում ադրբեջանական պատվիրակությանը և ԱԳՆ ղեկավար Էլմար Մամեդյարովին ԵԽԽՎ-ում Ռոբերտ Ուոլթերի ադրբեջանամետ բանաձևի տապալման համար:

«Մենք ստացանք այն, ինչին արժանի ենք: Ավելին` haqqin.az-ը դեռ մեկ տարի զգուշացնում էր, որ մեզ լուրջ խնդիրներ են սպասվում ԵԽԽՎ-ում, որոնք տրամաբանորեն բխում են եւ դեռ կբխեն այն սխալներից, որոնք թույլ են տվել ԵԽԽՎ պատվիրակության անդամները, այդ թվում` Սամեդ Սեիդովը»,- գրում է կայքը:

Կայքը դժգոհում է նաև երկրի ԱԳՆ-ի աշխատանքից: «Մենք արդեն հոգնել ենք նշել, որ Ադրբեջանի ԱԳ նախարար Էլմար Մամեդյարովը չի կարողանում կատարել իր պարտականությունները:  Ահա և հիմա մենք տեսանք, որ արտգործնախարարությունը ոչինչ չի արել, որ մենք ԵԽԽՎ-ում ֆիասկոյի չենթարկվենք»,- գրում է կայքը: