ՌԴ-ում և Ադրբեջանում կոռուպցիան ավելի շատ է, քան Հայաստանում. Transparency International-ի նոր զեկույցը

Transparency International միջազգային կազմակերպության հրապարակած՝ կոռուպցիայի ընկալման վարկանիշային ցանկում Հայաստանը, 100 միավորից ստանալով 35-ը, Մալիի, Մեքսիկայի և Ֆիլիպինների հետ զբաղեցրել է 95-րդ տեղը։

168 պետություններից յուրաքանչյուրը գնահատվել է 0-ից (չափազանց կոռումպացված) մինչև 100 (կոռուպցիայի բացակայություն) բալային համակարգով։  

Վարկանիշային ցուցակում Թուրքիան զբաղեցրել է 66-րդ, Իրանը՝ 130-րդ, Վրաստանը՝ 48-րդ, իսկ Ռուսաստանն ու Ադրբեջանը 119-րդ տեղերը:

Առաջին երեք հորիզոնականները զբաղեցրել են Դանիան, Ֆինլանդիան և Շվեդիան, իսկ վերջին երեք հորիզոնականներում են հայտնվել Աֆղանստանը, Հյուսիսային Կորեան և Սոմալին: