Վարկ վերցնողների 90 տոկոսը մի կերպ է դրանք մարում. Ադիբեկյան

Սոցիոլոգ Ահարոն Ադիբեկյանն այսօր լրագրողներին ներկայացրեց անցնող տարում հայաստանյան ընտանիքների եկամուտների չափը:

Սոցիոլոգի խոսքով`դրանք մնացել են նույնը, միայն տասը տոկոսինն է բարձր եղել նվազագույն սպառողական զամբյուղից: ՀՀ բնակչության 10 տոկոսը շարունակում է մնալ ծայրահեղ աղքատ վիճակում: Հայաստանում կրճատվել են փոքր բիզնեսի ծավալները: Ընտանիքների 30 տոկոսը վարկեր է վերցնում, նրանց 90 տոկոսը մի կերպ է մարում դրանք: Հայ ընտանիքների 30 տոկոսն ապրում է նպաստների շնորհիվ, իսկ 80 տոկոսը համարում է, որ իր վիճակը, նախկինի համեմատ, վատացել է։ «Եթե նախկինում դրսից ֆինանսական աջակցություն ստանում էր ամեն երրորդ ընտանիքը, ապա այժմ՝ ամեն տասներորդը»,- ասաց Ադիբեկյանը: