ՀՀ-ում ավելի են աջակցում Պուտինին, քան ՌԴ-ում. Gallup-ի հարցում

Արդեն հայտնել ենք, որ Gallup  կազմակերպությունը սոցհարցում է անցկացրել աշխարհի 65 երկրում և պարզել` ովքեր են այն 10 համաշխարհային առաջնորդները, որոնց գործունեությունը հավանության է արժանանում մարդկանց կողմից: Առաջին տեղը զբաղեցրել է ԱՄՆ նախագահ Բարաք Օբաման`59 տոկոս ձայնով: Երկրորդ տեղում է Գերմանիայի կանցլեր Անգելա Մերկելը` 42 տոկոս ցուցանիշով:  Ֆրանսիայի նախագահ Ֆրանսուա Օլանդը 35 տոկոսով 4-րդ տեղում է, իսկ ՌԴ նախագահ Վլադիմիր Պուտինը եզրափակում է հնգյակը` 33 տոկոսով:

Rusarminfo.ru-ի ներկայացրած տվյալների համաձայն՝ Պուտինին ամենից շատ աջակցում են Հայաստանում՝ 79 տոկոս, Վիետնամում՝ 76 տոկոս և Մոնղոլիայում՝ 73 տոկոս: Ուշագրավ է, որ Ռուսաստանում  այդ տոկոսն ավելի ցածր է՝ 72 տոկոս: