Ընտրությունների խախտումների մասին խոսակցությունները բամբասանք են. ԲՀԿ-ական

Այսօր խորհրդարանում լրագրողները ԲՀԿ մամուլի քարտուղար Վահան Բաբայանից հետաքրքրվեցին, թե ինչ կարծիք ունի հանրաքվեի մասին: «Ընդhանուր առմամբ սահմանադրական հանրաքվեն անցել է շատ բարձր, նորմալ մակարդակով: Իսկ ինչ վերաբերում է խախտումներին, ապա Բաբայանն ասաց, որ դրանք խոսակցություններ ու բամբասանքներ են, ու ՛՛եթե ավելի լուրջ մոտենանք, պիտի դիմենք իրավապահ մարմիններին, որոնք պիտի զբաղվեն այս հարցով՛՛:

Լրագրողներից մեկի դիտարկմանը, թե ընտրությունները խայտառակ են անցել, Բաբայանը չհամաձայնեց՝ նշելով. «Խայտառակը ձեր մեկնաբանությունն է: Եթե եղել են խախտումներ, եթե գիտեք, դիմեք իրավապահ մարմիններին: Ինձ համար կարևորը փաստերն են և Կենտրոնական ընտրական հանձնաժողովի արձանագրած տվյալները՝ ըստ հանձնաժողովների»: Լրագրողների հարցին, թե դուք որևէ խախտման ականատես չե՞ք եղել, Բաբայանը պատասխանեց՝ ոչ: