Ռուսաստան-Թուրքիա հարաբերություններում մենք լուրջ անելիք ունենք. վարչապետ

Տեղեկացրել ենք, որ ՀՀ վարչապետ Հովիկ Աբրահամյանն արդեն մասնակցել է սահմանադրական փոփոխությունների հանրաքվեին:

Նա նշեց, որ, ժամը 11:30-ի դրությամբ, որևէ լուրջ խախտման մասին ահազանգ չի ստացել, և իրենք արել են ամեն ինչ, որպեսզի հանրաքվեն առանց խախտումների անցնի:

Հարցին, թե հանրաքվեից հետո տնտեսության ի՞նչ զարգացումներ են սպասվում, և արդյո՞ք տնտեսության զարգացումը կախված է հանրաքվեի արդյունքներից, Աբրահամյանը պատասխանեց, որ իրենց համար առաջին խնդիրը հենց տնտեսության զարգացումն է: «Տնտեսությունը պետք է զարգացնենք բոլոր ուղղություններով՝ օգտագործելով այսօրվա իրավիճակը՝ Թուրքիա-Հայաստան։ Ռուսաստան-Թուրքիա հարաբերություններում մենք լուրջ անելիք ունենք և արդեն մեր գործարարների, պատկան մարմինների հետ ծրագիր ենք մշակում, որպեսզի քայլեր ձեռնարկենք` հայկական ապրանքների` ռուսական շուկայում ավելացման համար»,- ասաց նա: