Մի երկու հատ էլ կաղամբ դիր քո կուսակցության դիմաց. Շարմազանովը` Րաֆֆի Հովհաննիսյանին

ԱԺ նախագահի տեղակալ, ՀՀԿ խոսնակ Էդուարդ Շարմազանովը, լրագրողների հետ զրույցում պատասխանելով այն հարցին, թե ինչպե՞ս կմեկնաբանի Րաֆֆի Հովհաննիսյանի կողմից ՀՀԿ գրասենյակի մոտ ծաղկեփունջ դնելը, ինչը նրան, իհարկե, արգելվեց, ասաց. «Ի՞նչ է նշանակում` ծաղիկ է դնում, մենք քրիստոնյա ժողովուրդ ենք և գիտենք, որ ծաղկեպսակ դնում են հանգուցյալի վրա: Դա անկոռեկտության, անլրջության ու անտակտության բարձրագույն մակարդակն է, ես ի՞նչ ասեմ: Միգուցե իրականության զգացումը կորցրած... Չեմ ուզում էլի հիմա վիրավորեմ, իջնեմ նրա մակարդակին, ասեմ` մի երկու հատ էլ կաղամբ վերցրու, տար, դիր քո կուսակցության դիմաց: Չի կարելի նման բաներ անել: Կարծում եմ, որ հանրությունը Րաֆֆիի` նման անլուրջ, անպատասխանատու և ոչ կոռեկտ պահվածքին պատասխան կտա»: