Որն էր Հանքավանում 3 հոգու սպանության պատճառը. մանրամասներ

Yerkir.am-ի տեղեկություններով` Հանքավանում երեկ սպանված երիտասարդներից երրորդը եղբայրներից մեկի` Վարդանի ընկերն էր:

Մեր տեղեկություններով` դեպքի օրը (երեկ)  սպանված եղբայրների հորը` Ֆուզոյին պատկանող անտառային տարածքից ապօրինի ծառահատում է կատարվել,  ինչի մասին իմանալով` եղբայրները վիճաբանել են անտառապահի հետ: Այնուհետև կազմակերպվել է նրանց սպանությունը: Մեր տեղեկություններով` եղբայրները Հանքավանի Տաք ջուր կոչվող վայր ուղևորվելիս են եղել, երբ կրակել են նրանց մեքենայի վրա: Այդ պահին նրանց հետևից այլ մեքենա է ընթացել: Հենց այդ` հետևից ընթացող մեքենայի վարորդն էլ փորձել է առաջին օգնություն ցուցաբերել վիրավորներին, սակայն նրանց կյանքը փրկել չի հաջողվել:

Ավելի վաղ հայտնել էինք, որ կասկածյալը ԲՀԿ-ական նախկին պատգամավորի ազգական է: