Նալբանդյանը խոսեց Սուդանում կործանված ինքնաթիռի զոհերի աճյունների տեղափոխման մասին

Հայաստան է ժամանել ՌԴ արտաքին գործերի նախարար Սերգեյ Լավրովը:

Նալբանդյան-Լավրով համատեղ ասուլիսում ՀՀ ԱԳ նախարարը նախ ցավակցություն հայտնեց Եգիպտոսում կործանված ռուսական ինքնաթիռի զոհերի հարազատներին և ամբողջ ռուս ժողովրդին, նաև՝ Հարավային Սուդանում կործանված ինքնաթիռի զոհերի հարազատներին:

«Ցանկանում եմ երախտագիտություն հայտնել Սերգեյ Լավրովին այն աջակցության համար, որ ցուցաբերում է ՌԴ ԱԳՆ-ն Սուդանում կործանված ինքաթիռի զոհերի աճյունները Հայաստան տեղափոխելու հարցում: Իհարկե, մենք դեսպան չունենք Հարավային Սուդանում, բայց մենք այնտեղ ենք ուղարկել մեր աշխատակցին Կահիրեի հյուպատոսարանից, և կարծում եմ՝ մոտ օրերս կլուծվի աճյունների՝ Հայաստան տեղափոխման հարցը»,- ասաց Էդվարդ Նալբանդյանը: