«Տանգո Կարբոն»-ի ելույթով էլ կեզրափակվի Վերադարձի փառատոնը

Վաղը Կոմիտասի անվան կամերային երաժշտության տանը տեղի կունենա Վերադարձի դասական երաժշտության 8-րդ փառատոնի եզրափակիչ համերգը: Համերգին Եվրոպայում մեծ ճանաչում ունեցող «Տանգո Կարբոն» անսամբլը /Ֆրանսիա/ կներկայացնի համաշխարհային տանգոյի գլուխգործոցները:

Ջութակահար Դավիթ Հարությունյանը և իր երաժիշտ գործընկերները աշխարհի տարբեր երկրներում շրջագայությունից հետո ելույթ կունենան Հայաստանում` եզրափակելով փառատոնը: Երաժշտախումբը ձևավորվել է 2012-ին, երբ Փարիզի կոնսերվատորիայում ուսանած տաղանդաշատ երաժիշտներ Դավիթ Հարությունյանը /ջութակ/, Լուիզ Ժալյուն/բանդոնեոն/, Լեանդրո Լակապերը /դաշնամուր/ և Բլանշ Ստրոմբոնին /կոնտրաբաս/ տանգո երաժշտության նոր արտահայտչամիջոցների փնտրտուքով միավորվեցին` ստեղծելով կարճ ժամանակահատվածում լայն ճանաչման արժանացած անսամբլ: