Քուրդն այլ բան է, ահաբեկիչը՝ այլ. Էրդողան

Թուրքիայի նախագահ Ռեջեփ Թայիփ Էրդողանը հյուրընկալվել է թուրքական ATV և A Haber հեռուստաալիքների համատեղ եթերին ու հերթական անգամ քննադատել քրդամետ Ժողովուրդների դեմոկրատական կուսակցությանը:

Ըստ Demokrathaber-ի՝ վերոհիշյալ կուսակցության անունը չցանկանալով նշել անգամ՝ Էրդողանն ասել է. «Եթե այդ կուսակցության դեմ ինչ-որ հարձակումներ իրականան, հարցական դրեք: Ես սա բացահայտ ասում եմ: Մենք տեղեկացել ենք, որ նրանց խորհուրդ են տվել իրենց կուսակցության դեմ գործողություններ իրականացնել»:

Թուրքիայում տեղի ունեցած հարձակումները քրդամետ կուսակցության վրա բարդել ցանկացող Էրդողանը զրույցի ընթացքում չի մոռացել նաև քրդերին: Նշելով, թե իրենք իբր ոչ մի խնդիր չունեն քրդերի հետ, ասել է. «Մենք ահաբեկիչների հետ խնդիր ունենք: Մենք պայքարում ենք նրանց դեմ: Քուրդն այլ բան է, ահաբեկիչը՝ այլ: Մենք պայքարում ենք ահաբեկիչների դեմ»:

Հիշեցնենք, որ վաղը՝ նոյեմբերի 1-ին, կկայանան Թուրքիայի արտահերթ խորհրդարանական ընտրությունները: