Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Հոկտեմբերի 17-ին Հրազդան քաղաքի Միկրոշրջան թաղամասում բնակելի տնակ էր այրվել, արդյունքում` Բաղդասարյանների ընտանիքի 5 անդամները մնացել են առանց տանիքի: Նրանք Հրազդանում էին բնակվում փախստականի կարգավիճակով: Նախնական տեղեկություններով՝ հրդեհի պատճառը եղել է էլեկտրալարերի թույլ միացումը:
Խնդրի մասին տեղեկացվել էր Կոտայքի մարզպետ Կարապետ Գուլոյանը: Նա հայտնել էր, որ կընդունի և կաջակցի դրսում հայտնված ընտանիքին:
Yerkir.am-ն այս կապակցությամբ Կոտայքի մարզպետարանից հետաքրքրվեց` արդյո՞ք մարզպետը կատարել է իր խոստումը: Մեր հարցին ի պատասխան, հայտնեցին, որ երեկ Կ. Գուլոյանն ընդունել է ընտանիքին և պատրաստակամություն հայտնել վճարել ժամանակավոր կացարանի վարձավճարը, իսկ նոր տուն կառուցելիս՝ ապահովել շինանյութի մի մասով:
Նշենք, որ հրդեհի պատճառները պարզելու նպատակով փորձաքննություն է նշանակվել: