Տնտեսական աճը սպորտային ցուցանիշ չէ, որ անընդհատ աճի. ֆինանսների փոխնախարար

Տնտեսական աճը սպորտային ցուցանիշ չէ, որ անընդհատ աճի. պատասխանելով լրագրողների այն հարցին, թե ինչո՞վ է պայմանավորված տնտեսական աճի ցուցանիշների հետզհետե նվազումը ասաց ՀՀ ֆինանսների փոխնախարար Պավել Սաֆարյանը:

«Պետք է նայել նաև իրականության տեսանկյունից, թե ինչ մակրոտնտեսական միջավայրում է գտնվում Հայաստանը: Ուստի պետք է խոսել այն մասին` իրատեսակա՞ն են տնտեսական աճի կանխատեսումները, թե՞ ոչ»,- ասաց նա:

Դիտարկմանն ի պատասխան, որ շատ տնտեսագետներ կանխատեսում են, թե չի ապահովվելու 2,2 տոկոս տնտեսական աճ, Պավել Սաֆարյանը նշեց, որ նման կանխատեսումներ անողները ընդամենը կարծիք են հայտնում, պետք է ներկայացնեն նաև կոնկրետ հիմնավորումներ, այնպես, ինչպես կառավարությունն է տնտեսական աճի ցուցանիշները ներկայացնելիս տալիս նաև հիմնավորումներ:

 Հարցին` արդյո՞ք զգալի են բյուջեի եկամուտները ԵՏՄ մտնելուց հետո, փոխնախարարը պատասխանեց, որ զգալի մուտքեր չկան, և որ ԵՏՄ երկրների մոտ ևս տնտեսական հիմնախնդիրներ են առաջացել: