Թուրք սահմանապահը բռնաբարել է 21-ամյա սիրիացի փախստականի

Սիրիայից Թուրքիա անցնել ցանկացող 21-ամյա սիրիացի փախստականը Sputnik-ի հետ զրույցում պատմել է, թե սահմանապահ թուրք զինվորն իրեն բռնաբարել է և հետ ուղարկել Սիրիա. տեղեկացնում է T24-ը:

21-ամյա Լ.Բ.-ն պատմել է, թե եղբոր և հոր հետ անօրինական ճանապարհով փորձել են մտնել Թուրքիա, սակայն թուրք զինվորներն իրենց նկատել են և սկսել հետապնդել: Ամեն ինչ տեղի է ունեցել այն բանից հետո, երբ նրանք ընկել են խրամատի մեջ և ուշագնաց եղել։ Աղջկա խոսքով՝ երբ ուշքի է եկել, տեսել է՝ հայրը կողքին չէ, և թուրք զինվորն իրեն խրամատից հանել է դուրս ու բռնաբարել: Նա պատմել է նաև, որ թուրք զինվորները ծեծել են հորն ու եղբորը:

21-ամյա աղջիկը դիմել է թուրքական դատախազություն և պահանջում է, որ մեղավորները պատժվեն: