Սալաֆի շեյխը թույլ է տալիս բռնաբարել սիրիացի կանանց

Սալաֆի շեյխ Յասիր ալ Աջլավնին համացանցում ֆեթվա է տարածել, որում թույլատրում է «ջիհադի մարտիկներին» Սիրիայում բռնաբարել սուննի ուղղությունը չդավանող կանանց: YouTube-ում տարածված տեսանյութում նա այդ կանանց անվանել է «մալք ալ յամին», որը, ըստ The Washington Times-ի, հանդիպում է Ղուրանում եւ նշանակում է «սեռական ստրկուհի»:

Ի դեպ, նման հայտարարություններով հանդես են եկել այլ շեյխեր եւս: «Կասկած չկա, որ, շարիաթի համաձայն, իսլամի հետ պատերազմող անհավատների կանանց առեւանգումը եւ նրանց նկատմամբ բռնությունը թույլատրելի է` անկախ այն բանից, թե այդ մարդիկ պատկանում են աստվածաշնչյան կատեգորիայի՞ն (քրիստոնյաներ եւ հրեաներ), թե՞ հեթանոս են (մյուս բոլոր կրոնների ներկայացուցիչները),- գրում է նրանցից մեկը եւ մի «մարդասիրական» հավելում անում. «Սակայն դա կարելի է անել միայն այն բանից հետո, երբ ավարը հասցվել է Դար ալ իսլամ (իսլամի երկիր) եւ արդարաբար բաժանվել իմամի կողմից: Եթե իմամ չկա, գերյալներին ձեռք տալ չի կարելի»: