Փոխարժեքներ
20 03 2025
|
||
---|---|---|
USD | ⚊ | $ 391.57 |
EUR | ⚊ | € 426.77 |
RUB | ⚊ | ₽ 4.6962 |
GBP | ⚊ | £ 507.67 |
GEL | ⚊ | ₾ 141.11 |
Շուշիում բնակություն հաստատած ռուս գործարար Գերման Ստերլիգովը «В Контакте»-ում հերթական գրառումն է արել ԼՂՀ-ի մասին՝ հայտարարելով, որ Ադրբեջանը դե յուրե ճանաչել է ԼՂՀ-ի անկախությունը:
«ԼՂՀ-ն տասնյակ տարիներ չճանաչելուց հետո ադրբեջանական ղեկավարության համար հեշտ չէր հայտարարել, որ Լեռնային Ղարաբաղը «Ադրբեջանի տարածք չէ»: Սակայն Իլհամ Ալիևը գնաց այդ համարձակ քայլին: Ընտրվել է չափազանց նուրբ և, միևնույն ժամանակ, իրավաբանորեն անթերի ձև՝ Ղարաբաղը «Ադրբեջանի տարածք» հրապարակայնորեն չհամարելու համար. Ադրբեջանի օրենսդրությունն իր տարածքում հանցագործություն կատարած անձի նկատմամբ Ինտերպոլի միջոցով միջազգային հետախուզում նախատեսում է միայն այն դեպքում, երբ «հանցագործը» գտնվում է «Ադրբեջանի տարածքից դուրս»: Այսպիսով` Ադրբեջանը հրապարակորեն միջազգային մակարդակով ճանաչել է, որ Լեռնային Ղարաբաղը Ադրբեջանի տարածք չէ»,- գրել է Ստերլիգովը:
Ստերլիգովը նաև ողջույններ է փոխանցել Ադրբեջանի ղեկավարությանը. «Խորապես բավարարված եմ այն բանից, որ իմ համեստ անձն իրավաբանական առիթ է դարձել Լեռնային Ղարաբաղի անկախությունը ճանաչելու, ինչպես նաև հայ եւ ադրբեջանցի ժողովուրդների միջև բարիդրացիական հարաբերություններ ստեղծելու համար»: