|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Կառավարության այսօրվա նիստում ՀՀ պաշտպանության նախարար Սեյրան Օհանյանը ներկայացրեց «Զինծառայողների և նրանց ընտանիքների անդամների սոցիալական ապահովության մասին» Հայաստանի Հանրապետության օրենքի կիրարկումն ապահովող միջոցառումների մասին որոշման մեջ փոփոխություններ կատարելու որոշման նախագիծը: Ըստ այս նախագծի` ՀՀ պաշտպանության ժամանակ մարտական գործողությունների, ինչպես նաև մարտական հերթապահության և հատուկ առաջադրանք կատարելու ժամանակ զոհված զինծառայողներին տրվող գումարի չափը կբարձրանա և կկազմի 2 միլիոն դրամ, իսկ ծառայողական պարտականությունները կատարելիս զոհված զինծառայողներինը՝ 1 միլիոն դրամ:
Սեյրան Օհանյանն ասաց, որ առաջարկվող փոփոխությունների դեպքում պետական բյուջեից տարեկան կպահանջվի 94.000.000 ՀՀ դրամ` ներկայիս 64.610.000 դրամի փոխարեն, իսկ լրացուցիչ ընդհանուր պահանջվող գումարը կկազմի ընդամենը 29.390.000 դրամ: