Աղաչել եմ Վլադիմիր Գասպարյանին, որ զորքը հետ քաշի. Վաղինակ Շուշանյան

Ազատության  հրապարակում «Ոչ թալանին» նախաձեռնության անդամ Վաղինակ Շուշանյանը դիմեց հավաքվածներին.

«Մի քանի րոպե առաջ անձամբ  խոսել եմ ոստիկանապետ Վլադիմիր Գասպարյանի հետ,  ով զորքը առաջ էր բերել, որ ցրեն Բաղրամյանի ցուցարարներին:  Աղաչել եմ,  որ զորքը հետ քաշի: Եւս մեկ անգամ կոչ կանեմ ոստիկանությանը` ուժ չկիրառել այնտեղ գտնվող մեր մայրերի ու քույրերի նկատմամբ, որոնք չեն գիտակցում, թե ինչի մեջ են: Եթե այդպիսի բան լինի, խոստանում եմ` ես ինքս կկանգնեմ էնտեղ: Այսօրվա տեղի ունեցածը շատերը որակումեն որպես դավաճանություն: Թող այդպես լինի: Մեկ է ես գիտեմ,  որ իմ եւ իմ ընկերների խիղճը մաքուր է»- հայտարարեց ակտիվիստը:

Նա նշեց, որ իրենք Ազատության պողոտայում  կմնան այնքան ժամանակ, մինչեւ Բաղրամյան փողոցում կանգնածները   չմիանան իրենց եւ իշխանությունները  չկատարեն իրենց պահանջները:

«Շատերը  թիրախավորում են 2-3 հոգու:  Խդրումեմ` չարատավորեք «Ոչ թալանին»-ի պայքարը:

«Ոչ թալանինը»  դեռ առաջին օրվանից գիտեր ու պատրաստ էր ոստիկանների կողմից  զենք կիրառելուն: Իսկ այսօր քննադատող մարդիկ էն ջրցանի օրը վերջին շարքերում էին: Թող չփորձեն սադրել մեզ, մեր պայքարը եղելէ միշտ արդար, խաղաղ, օրենքի դաշտում: Այդպես էլ շարունակելու ենք»,- հայտարարեց Վաղինակ Շուշանյանը :